Drie van die Bestes

Die samekoms van drie kunstenaars, drie uiteenlopende stemme, drie persoonlikhede – in een produksie op een verhoog: Drie van die Bestes! Ondanks elkeen se uiteenlopende musiekstyl in hierdie vertoning – van pop, tot ballades en ligte klassieke musiek – is dit veral hul a capella- en samesang wat van hulle ’n gedugte kombinasie maak. In hierdie uitvoering span hulle ook kragte saam met die bekende pianis en musiekregisseur Johan Kelber vir ’n ongelooflike musikale reis!