Ons gaan die feesterrein omskep in ‘n bruisende viering van kleur, heerlike geure, onvergeetlike smake en ervarings vir die hele gesin.

Die Vrystaat Kunstefees se Kunstemark is die kloppende hart van die fees en ‘n belangrike ekonomiese dryfkrag vir die Vrystaat. Met meer as 300 stalletjies propvol handgemaakte skatte, unieke produkte, heerlike kos, plaaslike gunstelinge en uitsonderlike talent, wag daar om elke draai iets besonders.

Verken dit alles met ons nuwe interaktiewe Kunstemarkkaart. Soek jou gunsteling uitstallers, blaai volgens kategorie, ontdek versteekte juwele en beplan jou perfekte feesroete.

Of jy nou kom vir die inkopies, die kos of die unieke feessfeer, die Kunstemark is waar die Vrystaat Kunstefees werklik tot lewe kom.