Verken jou Nagdrome is ’n interaktiewe werkswinkel aangebied deur Zarine Roodt wat drome as instrument vir selfrefleksie, emosionele insig en kreatiwiteit verken. Dit is geïnspireer deur Carl Gustav Jung en fokus op drome as boodskappe uit die onbewuste en gidse vir groei. Deelnemers leer basiese droomwerktegnieke en bring ’n betekenisvolle droom vir begeleide refleksie. ’n Praktiese SoulCollage-aktiwiteit gebruik beelde om droomtemas visueel uit te druk. Deur kreatiewe oefeninge en groepsgesprekke bevorder die sessie selfbewustheid, insig en dialoog oor innerlike ervarings en persoonlike simboliek.
genre: Werkswinkel
Raku-werkswinkel
Ervaar die dinamiese wêreld van Raku, ’n tradisionele Japannese pottebaktegniek wat die elemente van klei, vuur, water en lug vier. Dramatiese prosesse en treffende effekte transformeer die keramiek deur hitte, afkoeling en rook. In hierdie vieruur-lange werkswinkel versier deelnemers twee voorafgebakte potte – een geglasuur en een vir vuurtekeninge met organiese materiale. Hulle sien hoe rooiwarm stukke uit die oond gehaal en deur rook getransformeer word. Ná afkoeling en skoonmaak neem elkeen die unieke keramiekstukke huis toe. Ervaar Raku se spontane energie en kreatiewe magie eerstehands.
Jong-skrywerswerkswinkel
Ontsluit jou verbeelding en ontdek jou eie stem in hierdie inspirerende jong-skrywerswerkswinkel. Hierdie interaktiewe sessie is ontwerp vir opkomende skrywers wat hul kreatiwiteit wil ontwikkel en nuwe maniere van storievertelling wil verken. Deur prettige skryfoefeninge, praktiese wenke en leiding leer deelnemers hoe om idees te vorm, karakters te skep en hul eie unieke styl te ontwikkel. Al skryf jy reeds of begin jy nou, hierdie werkswinkel bied ’n veilige en stimulerende ruimte om te eksperimenteer, te leer en jou liefde vir woorde te verdiep.
Young Writers Workshop
Ontsluit jou verbeelding en ontdek jou eie stem in hierdie inspirerende jong skrywerswerkswinkel. Hierdie interaktiewe sessie is ontwerp vir opkomende skrywers wat hul kreatiwiteit wil ontwikkel en nuwe maniere van storievertelling wil verken. Deur prettige skryfoefeninge, praktiese wenke en leiding leer deelnemers hoe om idees te vorm, karakters te skep en hul eie unieke styl te ontwikkel. Al skryf jy reeds of begin jy nou, hierdie werkswinkel bied ’n veilige en stimulerende ruimte om te eksperimenteer, te leer en jou liefde vir woorde te verdiep.
Polimeerklei-oorbelle
Sluit aan vir ’n prettige en kreatiewe polimeerklei-oorbelwerkswinkel waar jy jou eie unieke oorbelle of ander juwele gaan ontwerp en vervaardig. Hierdie praktiese werkswinkel bring kunskenners van verskillende kunsvorme bymekaar om jou stap-vir-stap te leer hoe om jou handgemaakte oorbelle of juwele te skep. Of jy jouself wil bederf, vir ’n geliefde ’n geskenk wil maak, of self net lus het om ’n nuwe vaardigheid aan te leer, is hierdie werkswinkel vir jou. Geen ondervinding nodig nie – net entoesiasme! Laat die res in ons hande!
Pakket sluit in: Polimeerklei, rollertjies, snyers, lemmetjies, kleigereedskap, stensils, tesktuurplate, instruksieblad.
Ekstra klei vir ander kleure te koop teen R40.
Rooted
’n Balpuntpenvaardigheid-werkswinkel deur musikant en balpuntpen-sketskunstenaar Jacobus Silwer. Hy ondersoek die moontlikhede van die artistieke gebruik van die eenvoudige balpuntpen en bied ’n kunservaring wat musiek en sang kombineer!
Pakket sluit in: BiC-balpuntpen, Steadtler HB-potlood, Houtskool, Uitveër, A3-Fabriano-papier, A4-papier.
Sip & Paint
Ontspan saam met ons by ons Sip & Paint-klas! Onder leiding van ’n plaaslike kunstenaar verken jy jou kreatiewe kant met ’n paar skilderinstruksies, maar vind ook vryheid in jou eie uitdrukking – geen ervaring nodig nie. Geniet ’n ontspanne atmosfeer en gee jou verbeelding vrye teuels. Of jy hier is om te leer, te sosialiseer of net te ontspan, hierdie aand belowe pret, lag en ’n meesterstuk om huis toe te neem. Kom vir die kuns, bly vir die atmosfeer. Sien jou daar!
Pakket sluit in: Materiaal om die kunswerk te voltooi, Eet- en drinkgoed.
Glashelder UV-harpuiswerkswinkel
UV-resin is ’n kreatiewe kunsvorm waarin vloeibare hars met kleure, glitter en dekoratiewe elemente gemeng en onder UV-lig verhard word tot ’n blink, glasagtige afwerking. In hierdie UV-resinwerkswinkel lei ’n ervare fasiliteerder deelnemers stap-vir-stap deur die meng-, kleur- en gietprosesse. Deelnemers eksperimenteer met verskeie effekte en voltooi drie unieke skeppings, soos juwele of sleutelhouers. Praktiese leiding oor veiligheid, tegnieke en hoe om algemene foute te vermy, verseker ’n netjiese, soliede eindproduk.
Pakket sluit in: UV-harpuis (resin), Gietvorm, Koppelringetjie, Oop-raam-hangertjie, Twee sintetiese leerbandjies, Geslote sleutelhouervorm, Sleutelhouerringetjie, Sleutelhouerversiersel, Resin-kleefband handskoene, Mengbekertjies, Roerstokkie, Tandestokkie, Pigmente, Glisterstof (glitter), Klein dekor elemente, Natlappie (wet wipe).
Griekse mosaiëk
Mosaïek is ’n kunsvorm waarin klein teëls, glas of keramiek saamgevoeg word om patrone en beelde te skep. In hierdie Griekse-mosaïekwerkswinkel maak en breek deelnemers hul eie teëls en kombineer dit met voorafgemaakte stukke om ’n unieke mosaïek-kaasbord te voltooi. ’n Ervare fasiliteerder lei die proses stap-vir-stap en bied kundige leiding oor materiale, veiligheid, patrone, kleurgebruik en rangskikking. Deelnemers ontvang praktiese wenke vir ’n netjiese afwerking en hoe om algemene foute te vermy.
Pakket sluit in: Rou keramiekteël, Mosaïekteëls, Plastieksak, Kaasbord, Gom, Spons, Waterbakkie, Mengbak, Mengstokkie, Voegbry, Water, Nat lappie (wet wipes).
Harpuisgiet
Harpuisgiet is ’n kunsvorm waarin vloeibare hars met pigmente gemeng en gegiet word om ’n blink, glasagtige afwerking te vorm. In hierdie harpuisgiet-werkswinkel lei ’n ervare fasiliteerder deelnemers stap-vir-stap deur die meng-, kleur- en gietprosesse. Deelnemers leer oor verskillende tipes hars, veiligheid en tegnieke en eksperimenteer met pigmente, ink en spesiale effekte. Elke deelnemer voltooi ’n unieke harpuiskunswerk en ontvang praktiese wenke vir ’n pragtige afwerking en hoe om algemene foute te vermy.
Pakket sluit in: Deelnemers aan die harpuisgiet-werkswinkel ontvang ’n volledige kunsstel met alles wat nodig is om hul eie unieke harpuiskunswerk te skep. Dit sluit in: Hoëgehalte epoksiehars en die regte-verhouding-verharder vir ’n duursame afwerking, Pigmente en kleurstowwe – ’n verskeidenheid kleure, metaalpoeiers en spesiale effekte om jou kunswerk uniek te maak, Roerstokkies en mengkoppies, Handskoene en voorskote, Skinkbord, Nat lappies (wet wipes), Handdoekpapier, Maskeerband, Sosatiestokkie.
