Geen Diagnose

Geen Diagnose is ’n eenmanvertoning wat die terapiesessies van vyf Afrikaanse mans volg. Die vyf mans deel hul mees intieme gedagtes onder die wanindruk dat die gesprekke privaat is. Hierdie dinamiek neem egter ’n skielike wending wanneer ’n misdaad in die terapeut se spreekkamer gepleeg word. Nou word hul eens private gesprekke bewysstukke wat die terapeut met ’n speurder moet deel. Al ses karakters – die vyf mans en die terapeut – word deur Dwayne Vorster vertolk.