Kom geniet opwindende demonstrasies van wetenskapkonsepte in aksie. Die prettige aktiwiteite en eksperimente is ontwikkel as opvoedkundige vermaak en sal nuuskierigheid en weetgierigheid by jonk en oud aanmoedig.
Kinders jonger as 16 jaar moet deur ’n volwassene vergesel word.
Beperkte ruimte: 50 deelnemers per sessie.
Die KIOSK sal oop wees.
Wees deel van die gehoor tydens ’n opname van die gewilde Afrikaanse RSG-radioprogram, Sterre en Planete. Ontmoet Prof. Matie Hoffman en Willie Koorts en leer meer oor ’n interessante onderwerp in sterrekunde.
Kinders onder 16 jaar moet deur ‘n volwassene vergesel word.
Beperkte ruimte: 50 deelnemers per sessie.
In hierdie maak-en-neem-saam-aktiwiteit bou jy jou eie replika-valskerm uit huishoudelike materiale en lanseer dit dan vanaf die Sci-Ed-dak om te sien wie die teiken kan tref!
Kinders onder 16 jaar moet deur ‘n volwassene vergesel word.
Beperkte ruimte: 24 deelnemers per sessie.
’n Maak-en-neem-saam-geleentheid waartydens jy jou eie badbomme maak, terwyl jy meer leer oor die chemie wat hulle laat borrel en bruis!
Kinders onder 16 jaar moet deur ‘n volwassene vergesel word.
Beperkte ruimte: 24 deelnemers per sessie.
’n Maak-en-neem-saam aktiwiteit waarin jy jou eie malvalekkers maak. Ontdek deur aktiwiteite vir individue en spanwerk die wonderwêreld van voedsel en wetenskap.
Kinders onder 16 jaar moet deur ‘n volwassene vergesel word.
Beperkte ruimte: 24 deelnemers per sessie.
Teken vir my ’n vliegtuig vertel die verhaal van die Duitse bomvlieënier wat onwetend die Lockheed P-38 van Antoine de Saint-Exupéry, skrywer van Die Klein Prinsie, afgeskiet het. Die produksie voer die gehoor terug na die 1940’s, waartydens twee belangrike gebeure plaasgevind het: die skryf van Die Klein Prinsie, en die dood van die skrywer daarvan. Die handeling speel af in die moderne Duitsland, waar die bejaarde bomvlieënier ontdek dat hy onwetend ’n klassieke skrywer doodgemaak het.
Potensieel-gevaarlike naby-die-aarde-voorwerpe is asteroïede en ander ruimterommel binne ongeveer 50-miljoen km vanaf die Aarde wat groot genoeg kan wees om massasterftes en skade aan die planeet te veroorsaak. Afhangend van hul grootte, spoed, invalshoek en impakgebied, kan hierdie voorwerpe miljarde lewens bedreig met impak en in die daaropvolgende tsoenami’s, aardbewings en brande. Dan is daar ruimteweer … En wat lê anderkant die sonnestelsel? Het ons maniere om hierdie bedreigings die hoof te bied?
Die Klein Prinsie vertel die verhaal van die vriendskap tussen ’n loods en ’n blonde seuntjie wat begin met die vraag: “Teken vir my ’n skaap?” Die Prinsie het waarskynlik van Asteroïede B612 af na die aarde gekom. Sy reis deur die heelal word vertel deur die akteur Chris van Niekerk (Beste Vrystaatse Kunstenaar 2017 vir hierdie rol) en geïllustreer deur ’n volkoepelvertoning in die Naval Hill-planetarium deur Leon Snyman. Die vertaling is deur Naòmi Morgan.
Potensieel-gevaarlike naby-die-aarde-voorwerpe is asteroïede en ander ruimterommel binne ongeveer 50-miljoen km vanaf die Aarde wat groot genoeg kan wees om massasterftes en skade aan die planeet te veroorsaak. Afhangend van hul grootte, spoed, invalshoek en impakgebied, kan hierdie voorwerpe miljarde lewens bedreig met impak en in die daaropvolgende tsoenami’s, aardbewings en brande. Dan is daar ruimteweer … En wat lê anderkant die sonnestelsel? Het ons maniere om hierdie bedreigings die hoof te bied?
Beleef ’n geanimeerde avontuur saam met ’n meisie en haar kraai-metgesel in hul soektog na wat die menslike brein so besonders maak. Saam sal julle langs die paaie van neurone zoem, uitvind hoe mens- en dierbreine verskil en illusies op ’n groot skaal beleef! Onderweg leer jy hoe jou brein jou maak wie jy is en sien jy dat ons uiteindelik elkeen die krag het om ons breine te verander.
