Die Rebellie van Lafras Verwey is een van die bekendste werke van die bekroonde dramaturg en skrywer Chris Barnard. Ná 56 jaar is hierdie radiodrama steeds relevant en ’n meesterlike verkenning van eensaamheid, verbeelding en die mens se behoefte om betekenis te vind binne ’n wêreld wat dikwels ongenaakbaar en beperkend voel. Hierdie produksie word aangebied as ’n luisterdrama én lewendige uitvoering wat die unieke atmosfeer van die oorspronklike radiodrama vasvang.
genre: Spesiale Aanbieding
Bitterkomix: Oorsprong, inspirasie en metodiek
’n In-diepte gesprek oor Bitterkomix, waar die fokus val op die kreatiewe proses agter die ikoniese strokies. Van konsep tot uitvoering word die wêreld van alternatiewe strokiesprente oopgevou, met insigte oor styl, inhoud en die uitdagings van die medium.
Slam Poetry
Beleef die krag van die gesproke woord soos nog nooit tevore nie in hierdie dinamiese slam poetry-ervaring. ’n Groep digters bring hul rou, eerlike en ritmiese verse na die verhoog, waar woorde en klank inmekaarvloei om ’n meesleurende atmosfeer te skep. Die improviserende aard van slam poetry vorm ’n energieke, emosionele en onvoorspelbare vertoning. Hierdie is ’n viering van stem, ritme en storie – waar elke optrede uniek is en elke oomblik lewendig is.
Saamgestel deur Menzi Mkhonza.
