Die Rebellie van Lafras Verwey

Die Rebellie van Lafras Verwey is een van die bekendste werke van die bekroonde dramaturg en skrywer Chris Barnard. Ná 56 jaar is hierdie radiodrama steeds relevant en ’n meesterlike verkenning van eensaamheid, verbeelding en die mens se behoefte om betekenis te vind binne ’n wêreld wat dikwels ongenaakbaar en beperkend voel. Hierdie produksie word aangebied as ’n luisterdrama én lewendige uitvoering wat die unieke atmosfeer van die oorspronklike radiodrama vasvang.