Brakanjan is terug! Die verhaal van die dapper hond wat ‘n musketier wil word, is ‘n klassieke storie van avontuur, swaardgevegte en vriendskap. Kom volg Brakanjan se reis na Parys waar hy die koningin teen die bose Kardinaal Richelieu moet red, terwyl hy homself aan die drie musketiers moet bewys. Saam trotseer hulle gevare en intriges en leer Brakanjan wat dit beteken om werklik ‘n held te wees.
Moontlik gemaak deur die Vrystaat Kunstefees en Reckless Haven Productions.
Kom kook saam in hierdie vrolike junior kookdemonstrasie waar jong kosliefhebbers die kans kry om hul hande vuil te maak en hul kreatiwiteit te laat borrel. Hierdie sessie is geïnspireer deur resepte uit verskeie kinderresepteboeke en bied ’n speelse en toeganklike benadering tot kook: van eenvoudige lekkernye tot kleurvolle disse. Kinders leer nuwe vaardighede en ontdek die wonder van geure met hierdie prettige, interaktiewe ervaring wat jong sjefs aanmoedig om met selfvertroue te eksperimenteer en ’n liefde vir kos en kook te ontwikkel.
Kom kook saam in hierdie vrolike junior kookdemonstrasie waar jong kosliefhebbers die kans kry om hul hande vuil te maak en hul kreatiwiteit te laat borrel. Hierdie sessie is geïnspireer deur resepte uit verskeie kinderresepteboeke en bied ’n speelse en toeganklike benadering tot kook: van eenvoudige lekkernye tot kleurvolle disse. Kinders leer nuwe vaardighede en ontdek die wonder van geure met hierdie prettige, interaktiewe ervaring wat jong sjefs aanmoedig om met selfvertroue te eksperimenteer en ’n liefde vir kos en kook te ontwikkel.
Jakob is ’n boeiende verhaal oor ’n vreemde, klein seuntjie; en oor liefde, lig en alles wat tussenin weerspieël. Die sentrale tema draai om vooroordeel en vertel die verhaal van ’n kind wat anders gebore word en deur die gemeenskap waarin hy woon, verstoot word. Die drama volg Jakob se reis deur sy kinderjare en ondersoek die maniere waarop hy leer om met sy uitsluiting saam te leef.
The Little Prince vertel die verhaal van die vriendskap tussen ’n loods en ’n blonde seuntjie wat begin met die vraag: “Teken vir my ’n skaap?” Die Prinsie het waarskynlik van Asteroïede B612 af na die aarde gekom. Die veteraanakteur Chris van Niekerk vertel die verhaal uit die loods se oogpunt, terwyl die gehoor die epiese reis op die volkoepel van die planetarium volg. Hierdie is ’n unieke geleentheid om een van die wêreld se klassieke verhale te ontdek.
Hoe lyk die Aarde? Wanneer jy jou oë toemaak, verbeel jy jou waarskynlik ’n blou planeet wat vreedsaam in die ruimte sweef. Ons persepsie van die Aarde ontwikkel voortdurend. In die kristalhelder lense van satelliete openbaar ons planeet homself in onverwagte kleure en patrone en verskaf enorme hoeveelhede data. Voortgesette vooruitgang in satelliettegnologie en gekoördineerde wêreldwye Aardewaarnemingsprogramme stel ons in staat om ons planeet meer akkuraat as ooit tevore te monitor en doeltreffender op sy voortdurende transformasies te reageer.
Die Klein Prinsie vertel die verhaal van die vriendskap tussen ’n loods en ’n blonde seuntjie wat begin met die vraag: “Teken vir my ’n skaap?” Die Prinsie het waarskynlik van Asteroïede B612 af na die aarde gekom. Sy reis deur die heelal word vertel deur die akteur Chris van Niekerk (Beste Vrystaatse Kunstenaar 2017 vir hierdie rol) en geïllustreer deur ’n volkoepelvertoning in die Naval Hill-planetarium deur Leon Snyman. Die vertaling is deur Naòmi Morgan.
Potensieel-gevaarlike naby-die-aarde-voorwerpe is asteroïede en ander ruimterommel binne ongeveer 50-miljoen km vanaf die Aarde wat groot genoeg kan wees om massasterftes en skade aan die planeet te veroorsaak. Afhangend van hul grootte, spoed, invalshoek en impakgebied, kan hierdie voorwerpe miljarde lewens bedreig met impak en in die daaropvolgende tsoenami’s, aardbewings en brande. Dan is daar ruimteweer … En wat lê anderkant die sonnestelsel? Het ons maniere om hierdie bedreigings die hoof te bied?
Beleef ’n geanimeerde avontuur saam met ’n meisie en haar kraai-metgesel in hul soektog na wat die menslike brein so besonders maak. Saam sal julle langs die paaie van neurone zoem, uitvind hoe mens- en dierbreine verskil en illusies op ’n groot skaal beleef! Onderweg leer jy hoe jou brein jou maak wie jy is en sien jy dat ons uiteindelik elkeen die krag het om ons breine te verander.
Hoe lyk die Aarde? Wanneer jy jou oë toemaak, verbeel jy jou waarskynlik ’n blou planeet wat vreedsaam in die ruimte sweef. Ons persepsie van die Aarde ontwikkel voortdurend. In die kristalhelder lense van satelliete openbaar ons planeet homself in onverwagte kleure en patrone en enorme hoeveelhede data. Voortgesette vooruitgang in satelliettegnologie en gekoördineerde wêreldwye Aardewaarnemingsprogramme stel ons in staat om ons planeet meer akkuraat as ooit tevore te monitor en doeltreffender op sy voortdurende transformasies te reageer.
