KoesterKuier

By die fees kan gehore uitsien na ’n gesellige langtafelervaring waar hulle saam met Frik de Jager kan kuier, stories deel en kos vier. Die kaartjie sluit ’n volledige viergangmaaltyd in, wat tydens die geleentheid bedien word — ’n ware StorieKos-ervaring waar kuier en kos hand aan hand gaan.
Frik de Jager is ’n bekende sjef, kosskrywer en storieverteller en sedert 2018 ’n gereelde gas op RSG se Klets en Kook. Hy het ook op programme soos Kwêla, BRAVO en Groot Ontbyt verskyn en bied die gewilde Sjefstafel op kykNET aan. In 2024 publiseer hy StorieKos, gevolg deur KoesterKos in 2025, albei reeds in tweede druk. Hy hou StorieKosKuier-langtafeletes in Rietfontein en tree gereeld as gasspreker by feeste en funksies op.